Raadslid sê glo gestremde kinders 'moet uitgesit word'

2013-02-28 14:40

Londen – ‘n Britse raadslid wat gesê het gestremde kinders “moet uitgesit word” omdat hulle mediese kostes te hoog is, oorweeg dit om te bedank, berig die BBC.

Collin Brewer, ‘n onafhanklike lid van die Cornwall-stadsraad, het dié aanmerkings in 2011 voor ‘n lid van die organisasie Disability Cornwall gemaak.

Die organisasie het ‘n klag ingedien oor die raadslid se kommentaar.

Brewer, wat deur sommige lede gevra is om te bedank, het om verskoning gevra en het gesê hy sal later sy posisie in heroorweging neem.

Hy het gesê hy het gehoop sy aanmerking sal 'n debat uitlok oor die kwessie van die koste van dienslewering, maar hy “het nie die reaksie gekry wat hy wou hê nie”.

“Mense vang jou soms op die verkeerde dag. Dit is nie ‘n goed genoeg verskoning nie en ek sal vir altyd om verskoning vra vir wat ek gesê het.”

– Lees meer hier.

– Volg Nuus24 op Twitter