R538 miljard se juwele in Londen gesteel
2009-08-11 19:02
Londen – Die polisie is opsoek na twee mans wat verbind word met een van Brittanje se grootste juweel diefstalle – ‘n £40 miljoen (R538 miljard) gewapende rooftog by ‘n spoggerige juwelier in Londen.
Die twee mans, wat netjies geklee was, het verlede Donderdagmiddag Graff Jewellers in Mayfair binnegegaan en personeel met handgewere gedreig. Een van die personeellede is ook vir ‘n tyd lank gyselaar gehou.
Hulle het 43 items geneem, waaronder ringe, armbande en horlosies en het ‘n skoot gevuur toe hulle die perseel verlaat het.
Die personeel was buite die winkel en niemand is beseer nie.
Speurders het gesê dat die rowers in ‘n blou BMW weggejaag het, maar het dit ‘n paar blokke verder in die straat gelos en nog ‘n skoot in die grond in gevuur.
Die mans is toe in ‘n silwer Mercedes verder en kort daarna het hulle oorgeklim in ‘n swart motor.
“Dit was ‘n goed beplande rooftog met ‘n paar voertuie om die mans te help om weg te kom,” het hoof-inspekteur Pam Mace gesê.
“Hierdie mans is verskriklik gevaarlik en het ten minste twee skote in Londen se besige strate gevuur toe hulle probeer wegkom het.”
- Sapa