Pussy Riot-lede na 'tronkhel' gestuur
2012-10-22 15:55
Moskou – Twee lede van die Pussy Riot-rockgroep is na twee afgeleë tronke geneem, wat bekend is vir hul strawwe omstandighede, het die groep se prokureur Maandag gesê.
“Nadya Tolokonnikova is na Mordovia gestuur en Maria Alyokhina is na Perm gestuur,” het Violetta Volkova, hul prokureur, gesê.
Die Perm en Mordovia-streke in Rusland is bekend vir hul Sowjet-era-tronke met hul strawwe omstandighede.
“Hulle is Saterdag weggevat,” het Volkova gesê en bygevoeg dat hul familielede eers uitgevind van die skuif toe hul pakkies wat hul vir die vroue by die tronk wou gee nie aanvaar is nie.
“Van al die moontlike opsies is hierdie die wreedste tronke,” het Pussy Riot-ondersteuners op ‘n Twitter-blad getweet.
Die kunsgroep Voina, wat bande met Pussy Riot het, het Mordovia ‘n tronk-hel genoem.
Die twee groeplede is in Augustus tot twee jaar tronkstraf gevonnis vir 'n protesoptrede wat hulle teen pres. Vladimi Putin by Moskou se hoofkatedraal gehou het.
‘n Appèlhof het vroeër die maand een van die lede vrygelaat terwyl die hof die vonnisse van die ander twee lede bekragtig het.
– Volg Nuus24 op Twitter
- AFP
