Priester bewusteloos geslaan in Viëtnam

2012-04-18 11:30

Hanoi – Die Katolieke kerk in Viëtnam sê ‘n priester is bewusteloos geslaan deur ‘n groep “boewe” en die huis wat hy in ‘n weeshuis wou omskep, is beskadig.

Die kantoor van die Hanoi-aartsbisdom het in ‘n verklaring op sy webwerf gesê priester Nguyen Van Binh het grond gekoop in die Chuong My-streek buite Hanoi. Hy het ‘n huis daar gebou wat hy in ‘n weeshuis wou omskep.

Binh het die huis verlede naweek besoek en het gevind dat dit beskadig is. Hy is gevolglik deur ‘n groep mans aangeval en bewusteloos geslaan.

– Volg Nuus24 op Twitter
 
 

- Sapa - AP