Pous kasty homself
2010-01-28 11:30
Vatikaanstad - Volgens ‘n boek wat vandeesweek gepubliseer is, het pous Johannes Paulus II homself met ‘n lyfband gekasty en kaal op die vloer geslaap om homself nader aan Christus te bring, berig CNN.
Die voormalige pous het ‘n spesifieke gordel vir dié selfkastyding gebruik en het dit saam gevat na sy somerwoning.
Die boek, getiteld Why he is a Saint: The True story of John Paul II, vertel dat hy die lyfband saam met hom na sy somerwoning gevat het.
“Soos party lede van sy eie entourage kan getuig, in Poland sowel as in die Vatikaan, het Karol Wojtyla homself gekasty.”
Die boek is geskryf deur Slawomir Oder, ‘n lid van die Vatikaanse binnekring en Saverio Gaeta, ‘n Italiaanse joernalis wat vir die tydskrif Christian Family skryf.
Oder is aan die hoof van ‘n komitee wat die moontlikheid dat pous Johannes Paulus II as ‘n heilige verklaar moet word, ondersoek.
Kliek hier vir die volledige storie