Pous hou van sport
2009-08-01 20:37
Castel Gandolfo, Italië - Pous Benedictus XVI het sy waardering vir sport duidelik gemaak toe hy met deelnemers van die Wêreld Swemkampioenskappe ontmoet het.
Die kerklike leier, wie se regter arm steeds in 'n verband is nadat hy twee weke terug geval en sy gewrig gebreek het, het die swemmers almal met sy ander hand gegroet.
"Wanneer dit met passie en 'n respek vir etiek beoefen word, verander sport... in 'n les in gesonde kompetisie en fisiese verbetering en 'n oefenveld vir menslike en spirituele waardes," het die pous gesê.
"Atlete, julle is voorbeelde vir mense oor hoe om 'n positiewe toekoms te bou."
- Sapa