Pous herstel goed
2009-08-21 16:29
Italië – Dokters het Vrydag die gips van Pous Benedict XVI se gewrig, wat hy verlede maand gebreek het, verwyder.
Die 82-jarige pous het op 17 Julie vanjaar, terwyl hy op vakansie in die Alpe was, geval en hy moes ‘n operasie aan sy gewrig ondergaan.
Hy het die afgelope maand by sy huis in Castel Gandolfo naby Rome herstel.
Volgens sy dokter sal die pous fisioterapie ondergaan en spesiale oefeninge moet doen om die volle gebruik van sy gewrig terug te kry.
- AFP