Pous bid vir vasgekeerde mynwerkers

2010-08-29 13:41

Castel Gandolfo - Pous Benedictus XVI sê hy bid gedurig vir die Chileense mynwerkers wat ondergronds vasgekeer is en hy doen 'n beroep op hulle om kalm te bly terwyl pogings om hulle te bevry voortgaan.

Benedictus het die 33 mans en hul families verseker dat hy geestelik naby aan hulle is en dat hy bid vir 'n "gelukkige einde" vir dié beproewing.

Die mans is sedert 5 Augustus in 'n myn onder die Atacama woestyn vasgekeer. Chileense owerhede sê dit kan maande neem om 'n ontsnappingstonnel vir hulle te grawe.

Benedictus het in Spaans gepraat met pilgrims wat vir sy tradisionele Sondag-seën by sy somerwoning in die suide van Rome byeengekom het.

- SAPA