Polisiemanne sterf in tweede ontploffing
2009-11-20 05:47
Peshawar, Pakistan- Twee polisiemanne is vroeg Vrydagoggend in ‘n ontploffing dood, slegs ‘n dag ná 19 mense gesterf het as gevolg van ‘n selfmoordbom buite ‘n hof in noordwestelike Pakistan.
Hierdie aanvalle is die nuutste van Islamietiese militante wat teen weermag verdediging naby die Afgaanse- grens baklei.
Die bomaanvalle is die agste militante aanval in minder as twee weke in en om Peshawar waarin reeds meer as 80 mense dood is.
‘n Afstandbeheerde bom het net na middernag ‘n polisievoertuig in die stad opgeblaas.
Twee polisiemanne is dood en vier ander mense beseer, het polisiehoof Liaquat Ali Khan gesê.
Volgens die regeringsbeampte Sahibzada Anees is ‘n man wat Donderdag met ‘n taxi by die stad se laer hof aangekom het, deur die polisie ondersoek toe hy die bom laat afgaan het.
Dr. Saib Gul van die stad se Lady Reading hospitaal sê 19 mense, insluitende drie polisiemanne, is dood en 51 gewond.
“Hierdie aanvalle sal ons nie terughou in ons stryd teen hierdie gediertes wat ons kinders doodmaak nie,” het Bashir Ahmad Bilour, senior minister van die Northwestern Frontier provinsie gesê.
Die weermag het middel Oktober hulle teenaavalle teen die Pakistaanse Taliban in suid-Waziristan geloods.
Dié aksie het baie dorpe in die streek teruggevat, maar militante sê hulle het gevegte vermy en sal nou met ‘n guerrilla-veldtog begin.
Amerika het die teenaanvalle verwelkom, maar wil hê die weermag moet meer teen die rebelle in die grensgebied doen wat vir die geweld oor die Afgaanse-grens geblameer word.
Pakistaanse beamptes het die teenaanval in suid Waziristan sewe maande voor dit eintlik moes begin gestop, wat volgens Bilour die militante kans gegee het om te ontsnap en die huidige golf van terreur te beplan.
Sedert die begin van Oktober het meer as 400 mense gesterf in ontploffings en militante aanvalle op die regering, burgers en westelike teikens in die land.
Die ontploffing het gebeur enkele ure na missiele van vermoedelik ‘n Amerikaanse robotvliegtuig drie sogenaamde militante in Shana Khuwara, noord-Waziristan, doodgemaak het.
-Sapa