Polisieman kry 6 maande vir aanranding
2010-09-07 22:48
Londen – ‘n Polisieman wat op ‘n sekuriteitskamera betrap is waar hy ‘n vrou hardhandig hanteer, is vir ses maande tronk toe gestuur, berig Sky News.
Op die video, sien mens hoe sers. Mark Andrews vir Pamela Somerville (59) oor die vloer van die Melksham polisiestasie sleep en in ‘n tronksel in gooi.
Die Oxford Landroshof het dié voormalige soldaat van aanranding skuldig gevind en tot ses maande trondstraf gevonnis.
Pamela Somerville is in hegtenis geneem ná sy geweier het om ‘n asemhalingstoets vir dronkbestuur te doen.
Die beeldmateriaal wys hoe sy ná sy in die sel ingeboender is, vir ‘n minuut lank op die vloer lê voor sy bebloed probeer regop kom.
Sy is kort daarna hospitaal toe geneem waar sy steke moes ontvang vir ‘n sny bo haar oog.
Kliek hier vir die volledige storie sowel as die video van die voorval.
Volg Nuus24 op Twitter.