Polisieman beroof poskantoor, skiet homself
2011-07-07 18:06
Berlyn – ‘n Polisiebeampte wat vir die Duitse parlement
werk, het ‘n poskantoor beroof voordat hy homself in die kop geskiet het.
Volgens die Berlynse polisie het die 48-jarige
gewapende man ‘n papiermasker aangehad toe hy die poskantoor betree het.
Die poskantoor is in dieselfde gebou as die
parlement se biblioteek geleë en is gesluit vir die publiek.
Omdat die polisieman vir die parlement gewerk
het, het hy egter toegang gehad.
Die man het een van die werknemers met ‘n
geweer gedreig en op geld aangedring.
Die vrou het nie
na sy sin vinnig genoeg gereageer nie en is met die geweer oor die kop geslaan voordat hy die geld gegryp en
gevlug het.
Sowat ‘n uur later het ‘n groep
stappers die polisie gebel ná hulle 'n lyk langs ‘n
wandelpaadjie gevind het.
Die lyk was dié van die polisiebeampte, wat dood langs die sak geld, papiermasker en
'n gelaaide geweer gelê het.
Hy het homself blykbaar in die kop geskiet.
“’n Voorlopige ondersoek toon dat die man
homself weens persoonlike probleme geskiet het,” het ‘n polisieverklaring gesê.
Volg Nuus24 op Twitter.
- Sapa - AFP