Polisiehoof, burgerlikes in Afganistan doodgemaak
2012-08-01 15:54
Kaboel – 'n Plaaslike polisiehoof, sy twee lyfwagte en vier burgerlikes is tydens twee voorvalle in Afganistan doodgemaak, het beamptes Woensdag gesê.
Shan Khan, polisiehoof vir die Shamalza-distrik van die suidelike povinsie Uruzgan, en sy twee lyfwagte is dood nadat 'n bom langs 'n pad ontplof en hul voertuig getref het, het Sharifullah Naseri, woordvoerder vir die provinsiale goewerneur, gesê.
Hy het die Taliban vir die aanval blameer en bygevoeg die polisiehoof was vir besigheid op pad na die provinsiale hoofstad Qalat.
Intussen het Taliban-militante vier burgerlikes ontvoer en vermoor in die sentrale provinsie Wardak, het die woordvoerder van die goewerneur in Wardak gesê.
"Die mense het vanaf Kaboel na 'n afgeleë streek in die Jalrez-distrik van die Wardak-provinsie gereis toe hulle laat Dinsdag deur insypelaars ontvoer is, het Shahidullah Shahid gesê.
"Hul lyke is Woensdagoggend in die omgewing gevind."
'n Woordvoerder van die Taliban het gesê hy was nie bewus van die voorval nie. Hy het ook gesê die Taliban sal nie enigeen doodmaak "indien hulle nie verbind word met Kaboel se regering of buitelandse troepe nie".
– Volg Nuus24 op Twitter.
- Sapa-DPA
