Polisiebeampte skiet vier, self

2012-09-28 10:45

Minneapolis – Vier mense is dood nadat 'n gewapende man by 'n onderneming in Minneapolis losgebrand het.

Die man het daarna die vuurwapen op homself gedraai, het die polisie gesê.

In 'n verklaring wat vroeg Vrydag uitgereik is, het die polisie in Minneapolis gesê die lyke van vier slagoffers is Donderdagmiddag gevind kort nadat beamptes op die toneel aangekom het.

Vier ander mense, waarvan drie kritieke beserings opgedoen het, is beseer. 

Die skietery het by Accent Signage Systems, 'n maatskappy wat naamborde vervaardig, in 'n woonbuurt in die stad se noorde plaasgevind.

Die polisie het aanvanklik gesê twee mense is dood, maar het later gesê "verskeie" lyke is gevind.

Die vermeende skieter is dood gevind met 'n skietwond wat hy aan homself toegedien het.

Die skieter se naam of die name van die slagoffers is nog nie bekendgemaak nie.

– Volg Nuus24 op Twitter.

- Sapa - AP