Polisie vind lyke in rivier
2010-05-30 02:30
Londen - Polisie in Brittanje ondersoek die dood van drie vroue nadat wat vermoedelik lyke is, Saterdag in ‘n rivier in ontdek is.
‘n Ondersoekspan het die grusame ontdekking in die Aire-rivier in Shipley, wes van Yorkshire gemaak. Dit is net ‘n klein entjie van waar die lyk van Suzanne Blamires, ‘n prostituut, Dinsdag gevind is.
Stephen Griffiths (40), ‘n kriminologie-student wat homself as die “crossbow-kanibaal” gebrandmerk het, het Vrydag in die hof verskyn op aanklag van die moord op Blamires, asook twee ander prostitute.
Blamires, Shelley Armitage en Susan Rushworth het al drie verdwyn.
Blamires (36) is verlede Vrydag laas gesien terwyl Armitage (31) sedert 26 April vanjaar vermis word en Rushworth op 22 Junie verlede jaar verdwyn het.
Forensiese toetse sal op die lyke gedoen word en volgens polisie is dit nog te vroeg om te sê wie se lyke dit is.
- Sapa
Volg Nuus24 op Twitter.