‘Perfekte rooftog’ by casino
2010-02-04 20:02
Valetta, Malta – Die klink soos iets uit ‘n tipiese Hollywood-film, maar met een groot verskil. Hierdie het werklik gebeur.
Die polisie in Malta krap steeds hulle koppe nadat vyf gewapende mans Woensdagaand die prefekte rooftog op die waterfront van die Casino’ di Venezia uitgevoer het.
Dié slinkse skurke het glo elke detail haarfyn beplan voordat hulle op die besige casino met sy luukse winkels en restaurante toegeslaan het.
Volgens ooggetuies het die verdagtes glo by die casino ingestorm en die personeel beveel om op die grond te lê terwyl hulle die kontant bymekaargemaak het. Hulle het daarna in ‘n gesteelde motor tot in die see gejaag voordat hulle in ‘n motorboot in die nag verdwyn het.
‘n Intensiewe soektog met behulp van verskeie helikopters kon nog geen spoor van die boot of die verdagtes vind nie.
Die gesteelde motor is reeds uit die see gehaal en word nou gefynkam vir enige bewyse. Maar volgens die polisie het hierdie rowers geweet wat hulle doen.
– Sapa, dpa