Perdevleis in burgers gekry
2013-01-16 16:53
Londen – Die Ierse voedselveiligheid waghond het Dinsdag gesê dat hulle spore van perd en vark DNS in burgers gekry het wat in van die land se grootste supermarkte verkoop word, insluitend ‘n burger van die globale handelaar Tesco wat uit sowat 30% perdevleis bestaan.
Simon Coveney, Ierland se minister van landbou, het aan RTE gesê dat die perdevleis-bekendmaking heeltemal onaanvaarbaar is.
Hy het bygevoeg dat ‘n ingevoerde preserveermiddel, wat gebruik word om die burgers te maak, glo gepak was met die perdevleis.
“Die preserveermiddel is of verkeerdelik geëtiketteer, of iemand het ‘n fout gemaak, of iemand het roekeloos opgetree,” het Coveney gesê.
Veeartse is glo na fabrieke gestuur om verdere toetse te doen.
Die Brits-gebaseerde Tesco PLC het verskoning gevra vir die perdevleis-burger en het bygevoeg dat hy alle Tesco-burgers eers van die mark gaan haal in Brittanje en Ierland.
“Die teenwoordigheid van onwettige vleis in ons produkte is baie ernstig. Ons verstaan dat baie van ons kliënte bekommerd gaan wees oor hierdie nuus en ons vra verskoning,” het Tesco in ‘n verklaring gesê.
Die Autoriteit vir voedselveiligheid in Ierland het ook gesê dat hulle vark DNS in sowat 85% van die bees-burgerprodukte in Ierse supermarkte gekry het.
Party van die burgers het selfs vark en perde DNS bevat.
– Volg Nuus24 op Twitter
- AP
