Pastoor kry kar present ná Koran-herrie
2010-10-18 09:19
Suid-Brunswick (New Jersey) – ’n Pastoor se besluit om af te sien van sy plan om eksemplare van die Koran te verbrand ter herdenking aan die 11 September-terreuraanvalle, het hom ’n motor ryker gemaak.
’n Motorhandelaar van hier, Brad Benson, het twee maande gelede in ’n radio-advertensie ’n Hyundai Accent 2011-model van $14200 (R96 000) aan past. Terry Jones van Gainesville, Florida, aangebied as hy die verbrandingseremonie sou kanselleer.
Jones het Sondag gesê hy beplan om die motor te skenk aan ’n organisasie wat mishandelde Moslemvroue help.
Volg Nuus24 op Twitter
- Sapa - AP