Pasgetroudes oorleef ses rampe
2011-04-05 20:00
Stockholm - Die wittebrood is nie altyd maklik vir pasgetroudes nie, maar ná ses natuurrampe sal dié paartjie voel hul liefde kan enigiets hanteer...
Stefan Svanstrom van Stockholm het Dinsdag gesê hy het op 6 Desember op ‘n vier maande lange wittebrood vertrek saam met sy vrou, Erika, en hul babadogtertjie. Hulle was toe byna onmiddellik gestrand in Munich, Duitsland, weens een van Europa se ergste sneeustorms tot nog toe.
Ná dié ervaring het hulle die verwoesting van ‘n sikloon in Cairns, Australië, ervaar. Kort daarna het hulle die vloede in Brisbane en die bosbrande in Perth ook eerstehands beleef.
Kort voordat hulle in Nieu-Seeland sou aankom, het Svanstrom gesê, het die aardbewing van 6.3 op die Richterskaal Christchurch getref en in die paartjie se laaste bestemming, Tokio, het hulle die skudding gevoel toe die verwoestende aardbewing en tsoenami Japan op 11 Maart getref het.
- Volg Nuus24 op Twitter
- Sapa - AP