Parys: Drie Koerdiese vroue 'tereggestel'

2013-01-10 11:45

Parys – Drie Koerdiese vroue is Donderdag in die Koerdiese Instituut van Parys se gebou in dié stad dood gevind, het die polisie gesê.

Die vroue het elk ‘n skietwond in die kop gehad.

“Die toneel laat 'n mens dink aan ‘n teregstelling, maar die ondersoek sal die presiese omstandighede aan die lig bring,” het ‘n bron in die polisie aan AFP gesê.

Een van die vroue het glo by die instituut gewerk.

Die ander twee se identiteit was nie onmiddellik bekend nie.

– Volg Nuus24 op Twitter



 

- Sapa - AFP