Pakistanse vrou kook glo haar man se lyk
2011-11-25 15:24
Karachi – ‘n Vrou in Karachi in die suide van Pakistan is in hegtenis geneem omdat sy daarvan verdink word dat sy haar man vermoor, sy liggaam opgekap en die stukke gekook het, het die polisie gesê.
Khalid Nadeem Baig, ‘n polisiebeampte, het Vrydag gesê dat Zainab Bibi (42) aan owerhede erken dat sy haar man doodgemaak het omdat hy haar 17-jarige dogter uit ‘n ander huwelik seksueel aangerand het.
Baig het gesê dat Bibi vir haar man slaappille in sy tee gegee het en hom met ‘n tou verwurg het. Sy en haar neef het glo toe die liggaam opgekap en die stukke gekook.
Die polisie is deur die bure gekontak wat oor ‘n slegte reuk uit haar huis gekla het.
Die neef is ook in hegtenis geneem.
– Volg Nuus24 op Twitter.
- Sapa - AP