Pakistanse meisie (9) as vergoeding aangebied

2012-11-09 16:14

Lahore – Die polisie in Pakistan het vyf mans in hegtenis geneem nadat ‘n dorpsraad ‘n pa beveel het om sy dogter as vergoeding aan te bied in ‘n verkragtingsaak.

‘n Groep bejaardes in die afgeleë Bahalak-gebied het die besluit geneem om ‘n jaarlange dispuut tussen ‘n plaaswerker en ‘n invloedryke grondeienaar op te los, het die plaaslike polisiehoof Mohammad Khalid gesê.

Die werker, Ashad, was glo betrokke by die ontvoering en verkragting van die grondeienaar Ali Sher se dogter.

“Hulle het toe Sondag besluit dat Arshad sy dogter Sidra as vergoeding met Ali Sher se 22-jarige seun sal laat trou,” het Khalid gesê.

“Ashrad het mondelings ooreengekom, maar Sidra, wat te jonk is, het by haar gesin gebly.”

Die raad van bejaardes het toe besluit dat Arshad vir Ali Sher $4 000 (sowat R34 000) moet betaal as hy nie die ooreenkoms bereik nie.

Khalid sê Arshad is saam met vier van die raadslede in hegtenis geneem.

Die oortreders kan tot sewe jaar tronkstaf vir dié misdaad kry.

– Volg Nuus24 op Twitter
 

- Sapa - AFP