Pakistan verklaar nasionale dag van rou
2010-07-28 12:56
Islamabad - Pakistan het Woensdag tot 'n nasionale dag van rou verklaar en 'n kabinetvergadering uitgestel ná 'n vliegtuig met 150 mense aan boord in die heuwels agter Islamabad neergestort het.
25 lyke en agt oorlewendes is reeds uit die wrak verwyder, maar owerhede vrees dat meer sterftes aangemeld kan word.
Die vliegtuig het omstreeks 02:45 in Karachi opgestyg en het gereed gemaak om te land toe dit neerstort, het Perez George gesê.
"Daar was 146 passasiers en ses bemanningslede aan boord," het hy gesê.
"Die vlieënier het gereed gemaak om te land toe die vliegtuig in die Magalla-heuwels val."
Volg Nuus24 op Twitter
- AFP