Pakistan loop deur onder dengue-koors
2011-09-29 18:38
Lahore – Asof vloede en selfmoordbomaanvalle
nie genoeg is nie, het ‘n uitbreek van dengue-koors (uitslagkoors) vandeesmaand reeds 126
lewens geëis.
Meer as 12 000 mense is met die virus gediagnoseer, wat beide arm
én welgestelde gemeenskappe teister.
Dengue-koors word deur ‘n virus veroorsaak wat
deur die Aedes Aegypi-muskiet versprei word.
Daar bestaan geen teenmiddel vir die virus nie
en daar word meestal daarop gefokus om die muskiete wat die virus oordra, te beheer.
Owerhede in Pakistan het die krisis aan ‘n
buitengewoon lang reënseisoen en temperature wat hoër as gewoonlik was, toegeskryf.
Inwoners van Lahore, waar die uitbreek die
ergste is, blameer egter plaaslike owerhede.
Hulle sê die regering het nie doeltreffende
voorsorgmaatreëls getref om muskiete dood te maak nie en dat lang
kragonderbrekings in die stad die situasie vererger het.
Volg Nuus24 op Twitter.
- SAPA