Pakistan-gyselaars bevry
2009-10-11 04:47
Rawalpindi, Pakistan – Sowat drie gyselaars en vier militante is vroeg Sondagoggend dood nadat Pakistani troepe die sekuriteitsgebou binne die weermagbasis bestorm het om ‘n einde aan ‘n 20-uur lange gyselaarsdrama te bring.
“Al 25 gyselaars is bevry. Sewe mense het egter gedurende die reddingspoging gesterf,” het Gen. Athar Abbas aan AFP gesê.
'n Dramatiese skietgeveg het tydens die bevryding van die gyselaars plaasgevind, het hy bygevoeg.
Dit kom nadat minstens 25 mense deur 'n verdagte Taliban-militantegroep gevange geneem is nadat hulle die weermagbasis in Rawalpindi aangeval het.
Sowat 10 mense is tydens daardie aanval dood.
Rehman Malik, die minister van binnelandse sake het dadelik die Taliban van die daad beskuldig.
"Die Taliban is Pakistan se vyand,” het hy gesê.
- Sapa-AFP