Pakistan: Robotvliegtuie dood 8 rebelle

2013-01-08 10:57

Islamabad – Amerikaanse robotvliegtuie het missiele naby die grens met Afganistan afgevuur wat minstens agt rebelle se lewens geëis het, het amptenare in Pakistan gesê.

Een van die rebelle wat ind ie aanvalle dood is, het glo bande mat al-Kaïda gehad.

Die amptenare het gevra dat hulle identiteit nie bekend gemaak word nie, omdat hulle nie gemagtig is om met die media te praat nie.

Die teenwoordigheid van Amerikaanse robotvliegtuie in Pakistan bly 'n omstrede saak omdat die land se regeerders voel sy soewereiniteit word geskend.

– Volg Nuus24 op Twitter
 

- Sapa - AP