Pakistan: 23 sterf in selfmoordaanval

2012-11-22 10:04

Islamabad – 'n Selfmoordbomaanvaller het 23 mense Woensdagaand gedood toe hy ‘n Shiite Moslem-optog in Rawalpindi geteiken het, het amptenare gesê.

Amptenare sê dat die aanval die optog geteiken het toe dit naby ‘n moskee in die middestad was.

Altesaam 62 mense is in di eaanval gewond, het BBC berig.

Die polisie moes deur die loop van die nag werk om bewysstukke by die toneel te kry.

Niemand het sover verantwoordelikheid vir die aanval geneem nie.

Die aanval kom terwyl die Shiite-moslems die heilige maand van Muharram vier.

– Volg Nuus24 op Twitter

- Sapa - AFP