Paartjie op heterdaad in tempel betrap

2013-03-08 11:15

Denpasar – Amptenare op die Indonesiese eiland van Bali oorweeg dit glo om “Geen Seks”-waarskuwingstekens by Hindoe-tempels aan te bring nadat ‘n paartjie van Estland op heterdaad betrap is.

Die polisie het die paartjie vir ondervraging aangehou nadat jeugleiers op hulle afgekom het.

“Hulle het gesê dat hulle nie geweet het dat seks by tempels in Bali verbode is nie, toe moes ons hulle maar vrylaat en die voorval aan die hoof van die dorpie oorlaat,” het Hadi Purnomo, ‘n plaaslike polisiehoof, Vrydag aan AFP gesê.

“Op die ou einde het die dorp besluit dat hulle ‘n reinigingseremonie wil hou en het die paartjie beveel om $2 000 (sowat R18 000) te betaal om die ritueel te finansier.”

Die paartjie het ook erken dat hulle die tempel se buitestort gebruik het voordat hulle seks gehad het.

Amptenare oorweeg dit nou glo om waarskuwingstekens buite die tempel te sit om mense te waarsku dat seks, saam met rook en eet, verbode in die geboue is.

– Volg Nuus24 op Twitter
 

- Sapa - AFP