Pa steek seuntjie vol naalde
2009-12-29 05:31
Sao Paolo - Dokters het talle naalde uit ‘n twee-jarige seuntjie se nek en lyf verwyder na sy pa hom vol naalde gesteek het.
Die pa het dit blykbaar uit wrewel vir sy vrou gedoen.
Tydens ‘n drie uur operasie, kon die dokters gelukkig al vier die naalde uit sy nek verwyder sonder enige skade aan sy rugwerwel.
Verlede week het dokters veertien naalde uit die seuntjie se ingewande gehaal.
Daar was ook vier naalde in die seuntjie se longe en hart.
Die peuter se stiefpa, Carlos Magalhaes, word aangekla van poging tot moord.
Hy het tydens ‘n televisie onderhoud erken dat hy dit gedoen het om die kind se ma te straf.
Magalhaes se vriendin, Angelina Ribeiro dos Santos, word ook aangekla.
Carlos Magalhaes het blykbaar die kind dronk gemaak en toe die naalde in sy lyf gedruk.
Hy het gehoop die naalde sal die seuntjie doodmaak sonder dat enigiemand onheil vermoed.
Die seuntjie was blykbaar te dronk om enigiets te voel, maar het later gekla van die pyn.
Sy ma het hom uiteindelik hospitaal toe geneem en die naalde was duidelik op die kind se x-straal plate sigbaar.
- Sapa