Pa slaan kinders met hamer
2009-12-09 17:17
Kassel, Duitsland – ‘n Man wat sy kinders byna doodgeslaan met ‘n hamer is Woensdag in ‘n hof in Duitsland tot lewenslange tronkstraf gevonnis.
Die 40-jarige is skuldig gevind aan poging tot moord nadat hy sy kinders herhaaldelik teen die kop met ‘n hamer geslaan het.
Tydens die verhoor, het die man gesê dat hy gefrustreerd was omdat hy van sy vrou geskei het en toesig oor sy kinders verloor het.
Die man het glo beplan om sy eie lewe te neem nadat hy sy kinders in hulle slaap met ‘n hamer geslaan het. Hy kon egter nie genoeg moed bymekaar skraap om sy eie lewe te beëindig nie.
Hy het homself aan die polisie oorgegee. Die polisie het dadelik na die kinders omgesien.
“Ek wou selfmoord pleeg, maar ek wou nie my kinders sonder ‘n pa agterlaat nie,” het hy gesê in ‘n verklaring wat deur sy prokureur in die hof voorgelees is.
Ten spyte van ernstige hoofbeserings het die man se seun en twee dogters die voorval oorleef.
–Sapa, dpa