Pa het glo tien kinders by dogter
2010-11-27 22:20
Buenos Aires – ‘n Argentynse vrou het haar pa daarvan beskuldig dat hy haar vir 30 jaar seksueel misbruik het en dat sy 10 van sy kinders gebaar het.
Een van die kinders het blykbaar selfmoord gepleeg toe hy uitvind sy oupa is ook sy pa.
Elvira Gomez (43) het die mishandeling onlangs gerapporteer nadat haar pa in hegtenis geneem is vir diefstal.
“Ek was erger af as ‘n gevangene vir 30 jaar, want ek kon met niemand praat nie.
“Hy het my verkrag, sonder rede geslaan en nooit toegelaat om ander mense te nader nie," het sy gesê.
Gomez vertel dat haar pa altyd ‘n geweer by hom gedra het.
DNA-toetse het Elvira Gomez se aantygings dat haar pa die vader van haar kinders is, gestaaf.
Volg Nuus24 op Twitter.
- SAPA