Pa en vyf kinders in nag opgeblaas
2009-12-27 09:37
Peshawar – Militante het Sondagoggend die huis van ’n amptenaar in Pakistan opgeblaas, terwyl hy, sy kinders en nog familielede geslaap het, het ’n amptenaar gesê.
Niemand word nou al vir die voorval verantwoordelik gehou nie. Dit is op die stadium nog onduidelik of die Taliban, die Sjiïete of ekstremiste agter die aanval op die Soennitiese dorp, Sadda sit.
Die stamgebonde streek, Kurram, aan die grens van Afganistan, word deur Amerikaanse amptenare as een van die mees gevaarlikste plekke op die Aarde beskou.
"Onbekende skurke het dinamiet reg rondom die huis geplant. Die huis het omstreeks 02:00 Sondagoggend opgeblaas. Die huis is heeltemal vernietig,” het
Abab Ali, ’n amptenaar van Kurram aan AFP gesê.
"’n Administratiewe amptenaar, sy seuns en ander familielede het gesterf. Nog mense het tydens die voorval beserings opgedoen."
"Die kinders was tussen vyf en elf jaar oud,” het hy gesê.
"Die drie kamers waarin die oorledenes geslaap het, is heeltemal verwoes.
Die aanval kom nadat die Soennitiese weermag vir Imam Hussein van die Sjiïete doodgemaak het.
-Sapa-AFP