Ouma steek kêrel oor monopoly
2011-10-27 23:06
Los Angeles – ‘n Sestigjarige ouma van Santa Fe,
Nieu-Mexiko, is in hegtenis geneem nadat sy haar kêrel tydens 'n stryery oor
'n monopoly-spel met ‘n kombuismes gesteek het.
Laura Chavez was besig om monopoly saam met haar kêrel en haar 10-jarige
kleinseun te speel toe sy haar kêrel daarvan beskuldig
het dat hy kul.
Sy het ‘n bottel oor sy
kop stukkend geslaan, waarna sy hom in sy gesig en bo-arm met ‘n kombuismes gesteek het.
Die slagoffer is in ‘n stabiele toestand na ‘n
hospitaal geneem.
Chavez is summier tronk toe en haar borgtog is
op $5 000 (sowat R38 000) gestel.
Volg Nuus24 op Twitter.
- Sapa-DPA