Ouma (82) takel bankrower

2012-10-17 14:12

Wene – 'n 82-jarige vrou van Oostenryk het 'n gewapende bankrower getakel, het die plaaslike media Woensdag berig.

Hertha Wallecker het die rower, wat gewapen was met 'n tuisgemaakte bom en vuurwapen, se masker afgeruk en 'n sak met gesteelde geld uit sy hand geruk en gesê: "Die geld behoort aan die bank".

Die rower, wat later as Gerhard P. (62) geïdentifiseer is, het met leë hande uit die bank in die dorp van Sankt Egyden in oostelike Oostenryk gevlug. Hy is later die dag in hegtenis geneem.

"Dalk kyk ek te veel polisiereekse op TV," het die heldin aan die dagblad Oesterreich gesê.

"Daar het mans ook gestaan, maar nie een van hulle het iets gedoen nie."

– Volg Nuus24 op Twitter

- Sapa - AFP