Ouers vermoor dogter om haar van demone te bevry
2011-11-01 18:50
Moskou – ‘n Russiese paartjie wat hul eie dogter vermoor
het, sê hulle het dit gedoen om haar van demone te bevry.
Hulle staan
tereg op ‘n aanklag van moord nadat hulle na bewering hul 26-jarige dogter gemartel en
vermoor het.
Sergei Koshimbetov, ‘n 49-jarige
taxibestuurder, en die 50-jarige Elana Antonova, ‘n onderwyseres, het hul
dogter op 7 Januarie ure lank gemartel voordat hulle haar doodgemaak het.
Die paartjie, wat aan die Russies Ortodokse
Kerk behoort, het die moord gepleeg op die dag wanneer dié kerk die geboorte van Christus vier.
Onder die voorwendsel dat hulle haar van
demone wou verlos, het hulle haar eers geslaan en gedwing om sowat 5 liter "heilige
water" te drink.
“Antonova het ‘n gedeelte van haar ingewande uitgeruk,”
het ondersoekbeamptes van die Voronezh-distrik in ‘n verklaring gesê.
“Daarna het die man en vrou hul dogter se liggaam
vertrap tot sy dood is.”
Die ouers word verhoor ten spyte van die feit
dat hulle deur ‘n psigiater as sielkundig ongeskik verklaar is, het die
ondersoekbeamptes gesê.
Hulle sal na verwagting na ‘n inrigting vir
sielsiekes gestuur word.
Beide ontken dat hulle hul dogter vermoor het.
“Ek het haar nié vermoor nie. Wat ek gedoen het, het ek aan haar liggaam
gedoen,” het Antonova gesê.
Die paartjie het ná die moord hul dogter se
lyk in ‘n kombers toegedraai.
Hulle het aan familielede gesê dat sy ná drie
dae uit die dood sou opstaan.
Hul jongste dogter het egter die volgende dag
die ambulans gebel en beide ouers is kort daarna in hegtenis geneem.
Volg Nuus24 op Twitter.
- AFP