Ouers stry oor kind se inenting teen H1N1
2009-12-01 13:06
Londen - ‘n Getroude paartjie wat van mekaar vervreem is, is hof toe om te besluit of hul gesonde 9-jarige dogter ingeënt moet word teen varkgriep of nie.
Sindy Boleat, die kind se ma, sê dat sy nou al baie opgelees het oor die inenting en dat sy nie heeltemal oortuig is dat dit veilig is nie.
Haar pa, Richard Boleat, stem egter nie saam nie.
Die siviele hof van Jersey eiland sal die besluit moet maak.
Gesondeheidsowerhede op die eiland tussen Engeland en Frankryk sê dat hoë risiko individue reeds ingeënt is teen die virus.
Inentings word nou aan gesonde kinders op ‘n vrywillige basies aangebied.
- Sapa