Oudste vrou ooit opgespoor
2009-11-14 01:31
Turkye - ‘n Vrou wat 125 jaar oud is, is in Turkye se afgeleë Koerdiese distrik opgespoor en is moontlik die oudste persoon wat nog ooit aangeteken is.
Halime Solmaz is op 1 Julie 1884 gebore en bly in Besiri, ‘n dorpie in die suidooste van Turkye.
Dit sal egter moeilik wees om haar ouderdom te bevestig, aangesien rekords uit die Ottoman-era moeilik bekombaar is.
Volgens ‘n Los Angeles groep wat spesialiseer in die studie van ouderdomsverskynsels, is die oudste vrou wat ooit aangeteken is Jeanne Calment van Frankryk.
Sy was 122 jaar en 164 dae oud toe sy gesterf het.
- Sapa