Oudste persoon ter wêreld sterf
2010-05-05 21:01
Kaapstad – Die oudste persoon in die wêreld is skaars ‘n week voor haar 115ste verjaardag op die eiland van Okinawa in die suide van Japan oorlede, berig Sky News.
Volgens die Gerontology Research Group is Kama Chinen die 10de Mei 1895 gebore.
Sy het altesaam drie eeue sien aanbreek.
Chinen is in ‘n ouetehuis oorlede, maar die besonderhede rondom haar dood is nie bekendgemaak nie.
Inwoners van Okinawa is bekend daarvoor dat hulle baie oud word.
Hulle skryf dit toe aan ‘n plaaslike dieet van groente, miso-sop, groen tee, vis en rys.
Die titel van die wêreld se oudste persoon behoort nou aan Eugenie Blanchard van Frankryk.
Sy is in Februarie 1896 gebore.
Kliek hier vir die volledige storie.