Oudste man in dodeselle sterf natuurlik
2010-02-14 22:25
Arizona - Die oudste gevangene wat wag op teregstelling is van natuurlike oorsake op die ouderdom van 94 oorlede.
Volgens ‘n woordvoerder van die tronk in Arizona is Viva Leroy laat Vrydagaand oorlede.
Leroy is in 1915 gebore en sy kriminele rekord begin reeds in die 1930’s.
Hy is in 1947 vir 25 jaar tronk toe gestuur na hy ‘n polisieman in Conneticut doodgeskiet het.
In Salt Lake City het is hy weer lewenslank tronk toe na hy ‘n man in Salt Lake City doodgemaak het.
Leroy het egter ontsnap, maar het hom weer vasgeloop na hy ‘n winkelassistent in Phoenix doodgeskiet het.
Hy is tot die dood veroordeel vir die moord op die winkelassistent.
- Sapa