Oud-polisiehoof in Guatemala 70 jaar tronk toe

2012-08-22 14:26

Guatemala – ‘n Hof in Guatemala het ‘n voormalige polsisehoof tot 70 jaar tronkstraf gevonnis omdat hy tydens die land se gewelddadige burgeroorlog beveel het dat 'n universiteitstudent ontvoer word.

Pedro Garcia is die eerste polisiehoof wat in Guatemala wat tronk toe gestuur is vir oorlogmisdade.

Garcia, wat verlede jaar by sy huis in hegtenis geneem is, is skuldig bevind aan misdade teen die mensdom en die ontvoering van die ingenieurstudent Edgar Saenz. Saenz het in 1981 verdwyn.

Garcia, wat tussen 1974 en 1982 polisiehoof was, staan ook tereg op aanklagte van moord. Garcia het glo ‘n rol gespeel in die afbrand van Spaanse ambassade in 1980 wat die lewe van 36 mense geëis het.

Met die ondersteuning van die prokureur-generaal Claudia Paz y Paz is aanklaers in Guatemala besig om ‘n boodskap uit te stuur mense wel verhoor kan word vir misdade wat tydens die burgeroorlog gepleeg is.

In Januarie het ‘n hof die voormalige diktator Efrain Rios Montt begin verhoor op aanklagte van volksmoord en misdade teen die mensdom wat verband hou met die burgeroorlog.

– Volg Nuus24 op Twitter  
 

- Reuters