Orkaan Earl woed steeds
2010-08-31 08:42
Kaapstad - Orkaan Earl is tot 'n katagorie 4 storm aangepas te midde van waarskuwings dat groot skade aangerig sal word indien die orkaan oor die Karibbiese gebied beweeg en die Amerikaanse kus bereik, het RSG op hul webwerf berig.
Volgens voorspellings sal Earl by die Bahamas verby trek voordat dit moontlik later die week die Amerikaanse ooskus sal tref.
Dit is nog nie moontlik om te bepaal waar die storm die vasteland gaan bereik nie.
Die Amerikaanse orkaansentrum waarsku egter dat daar 'n hoë risiko van beserings of sterftes is. Die Atlantiese kusgebied van Noord Carolina tot Nieu England en Kanada kan hulle egter gereed maak vir minstens deurdringende reën, gevaarlike seetoestande en stormsterk wind.
- Vir die volledige storie besoek RSG.
- Volg Nuus24 op Twitter.