Vrou in hof wat mans se lyke opsaag
2012-11-19 17:23
Wene – ‘n Vrou wat daarvan aangekla word dat sy twee mans vermoor en opgesaag het, se verhoor het Maandag in Oostenryk begin.
Goidsargi Estibaliz Carranza Zabala, wat Spaanse en Mexikaanse burgerskap het, word daarvan aangekla dat sy haar man in 2008 doodgeskiet het.
Sy het glo in 2010 dieselfde met haar nuwe lewensmaat gedoen.
Aanklaers beweer dat sy albei lyke met ‘n kettingsaag opgesny het, en dat sy stukke van die lyke in beton weggesteek het wat sy onder haar roomys-winkel in Wene gemeng het.
Die grusame oorblyfsels is per toeval in Junie 2011 ontdek gedurende instandhoudingswerk. Carranza het na Italië gevlug, maar is ‘n paar dae daarna aangekeer en aan Oostenryk uitgelewer.
Carranza was toe sy in hegtenis geneem is twee maande swanger by ‘n ander man met wie sy in die tronk getrou het.
Die baba is in Januarie gebore maar is onmiddelik weggeneem. Die baba word deur Carranza se ouers in Barcelona versorg.
“Sy beplan om skuldig te pleit. Sy het klaar alles wat gebeur het aan ons vertel, net soos sy ook gemaak het toe sy in hegtenis geneem is,” het haar prokureur, Werner Tomanek, gesê.
– Volg Nuus24 op Twitter
- Sapa - AFP
