Oorstroming keer 21 in myn vas

2011-07-11 09:06

Beijing – Die staatbeheerde Chinese media het gesê 21 mynwerkers is in ‘n oorstroomde myn in die ooste van die land vasgekeer.

Die Xinhua-nuusagentskap het gesê water het ‘n mynskag in Weifang-stad in die Shandong-provinsie Sondag oorstroom.

Sewe werkers kon uit die skag ontsnap, maar 21 ander word steeds vermis.

Reddingswerkers soek ook na 63 ander mynwerkers wat in drie ander voorvalle vasgekeer is.

In Shandong word 28 steenkoolmyners vermis ná myntoerusting Woensdag daar aan die brand geslaan het.

In Guangxi word 12 werkers vermis wat sedert 2 Julie in ‘n myn vasgekeer is, terwyl nog 23 na ‘n oorstroming in die Guizhou-provinsie vasgekeer is.

– Volg Nuus24 op Twitter.
 

- Sapa - AP