Oorskot ses jaar ná selfmoord gevind

2013-01-17 10:19

Seoul – Die polisie in Suid-Korea het Donderdag gesê hulle het die skelet van ‘n man in Busan, die land se tweede grootste stad, gevind. Dié ontdekking is sowat ses jaar ná die man glo selfmoord gepleeg het, gemaak.

Die man, wat net as Kim geïdentifiseer is, was glo 49 toe hy hom in 2006 in die vervalle gebou waar hy gebly het, gehang het.

Sy oorskot is Woensdag deur die eienaar van die eiendom gekry langs ‘n hoop ongeopende pos wat terugdateer tot Januarie 2007.

‘n Amptenaar het gesê daar was ‘n kalender teen die muur wat by November 2006 oopgemaak was.

“Hierdie is ‘n arm deel van die stad waar niemand omgee oor wat met hulle bure gebeur nie,” het die amptenaar gesê.

Kim, ‘n ongetroude arbeider, het glo sedert sy ma se dood in 2002 alleen gebly.

– Volg Nuus24 op Twitter

- Sapa - AFP