Oorgewig vrou sterf ná sy geboorte skenk
2010-08-03 00:57
Boekarest, Roemenië – ‘n 25-jarige Roemeense vrou wat sowat 240kg geweeg het, het slegs vyf maande nadat sy geboorte geskenk het, gesterf.
Volgens Victoria Lacatus se familielede het sy Sondag weens ‘n hartaanval gesterf nadat sy 'n hoë koors en asemhalingsprobleme ervaar het.
Mediese personeel by die Craiova-hospitaal meen Lacatus se hart gaan staan.
“Dokters het vir sowat 30 minute probeer om haar te resussiteer, maar kon nie daarin slaag nie weens die feit dat sy oorgewig was,” het Florin Petrescu, hospitaalbestuurder, gesê.
Lacatus het op 18 Februarie geboorte geskenk, iets wat dokters as wonderwerk beskryf het omdat sy slegs 1.6m lank en oorgewig was.
Dokters het gewaarsku dat sy moontlike komplikasies kan ontwikkel na die bevalling.
Volg Nuus24 op Twitter.
- SAPA