Ontvoerde tiener in motor se kattebak gevind
2012-11-17 13:15
Parys – 'n 15-jarige meisie, wie se ontvoering in suidelike Frankryk tot 'n landwye soektog gelei het, is Vrydag in 'n motor se kattebak gevind, het polisiebronne gesê.
Chloe Rodriguez is deur die polisie in Duitsland naby Offenburg, naby die Franse grens, gevind. Die bestuurder van die motor is op aanklag van ontvoering in hegtenis geneem.
Die 32-jarige bestuurder het voorheen op aanklag van seksuele aanranding veroordeel en is gesoek vir rooftog in Duitsland, het bronne gesê.
Hy is in September vrygelaat en sou na verwagting by die proefbeampte verskyn, maar het dit nooit gedoen nie.
Die meisie is in die hospitaal opgeneem, maar sy is ongedeerd, het Robert Gelli, staatsaanklaer, gesê.
Die polisie in Duitsland het in 'n verklaring gesê hulle het Vrydag 'n oproep ontvang dat 'n man by 'n motor ingebreek het en probeer het om 'n skootrekenaar te steel.
Die inbeller het 'n positiewe beskrywing van die man se motor gegee, waarna die polisie toe die motor agternagesit het. Nadat die man teen 'n ander motor gebots het, het hy gevlug en is later in hegtenis geneem.
Die man is in hegtenis geneem en die polisie het Rodriguez in die kattebak van sy motor gevind.
Die bestuurder van die ander voertuig het ernstige beserings opgedoen.
"Ons is so gelukkig," het die tiener se ma, Violette, gesê.
"Daar was net 'n sameloop van omstandighede. As ons nie die kattebak oopgemaak het nie, sou ek nooit weer my dogter gesien het nie. Die lewe is net mooi."
Die tiener word sedert 9 November vermis.
Die polisie in Frankryk ondersoek 'n saak van ontvoering en het gevra dat die man onmiddellik aan dié land uitgelewer word.
– Volg Nuus24 op Twitter
- AFP
