Ontploffing in Oslo eis sewe
2011-07-22 18:29
Oslo – Ten minste sewe mense is dood toe ‘n bom binne ‘n media- en regeringskantoor in die hoofstad van Noorweë afgaan.
Volgens ‘n regeringsamptenaar is daar mense wat nog binne die gebou vasgekeer is.
Hy het bygevoeg dat dit die ergste voorval is wat dié land nog gesien het.
Die Noorse premier Jens Stoltenberg se kantoor het onder andere in die slag gebly, maar hy was nie tydens die ontploffing op kantoor nie.
“Al is ‘n mens ook hoé voorbereid, kom so iets altyd as ‘n groot skok", het hy in ‘n telefoononderhoud met plaaslike media gesê.
Niemand het tot dusver verantwoordelikheid vir die aanval aanvaar nie.
‘n Man wat soos ‘n polisieman aangetrek was, het kort voor die ontploffing op ‘n jeugvergadering van die regerende Labour Party begin skiet.
Dié voorval het Vrydagmiddag in Utoeya aan die buitewyke van Oslo plaasgevind.
Premier Jens Stoltenberg sou by dié geleentheid ‘n toespraak gelewer het, maar sy program is sedertdien verander.
Volg Nuus24 op Twitter.
- Sapa - AP