Onrus in Sirië is 'uiters gevaarlik'

2012-03-21 13:30

Djakarta – Ban Ki-moon, sekretaris-generaal van die Verenigde Nasies (VN), het gesê die toenemende geweld in Sirië is "uiters gevaarlik" en kan internasionale reperkussies hê.

Hy het Woensdag aan joernaliste in Djakarta gesê: "Ons weet nie hoe die gebeure gaan ontvou nie".

"Maar ons weet dat ons almal 'n verantwoordelikheid het om te werk vir 'n oplossing van die uiters gevaarlike krisis... 'n krisis wat dalk hewige reperkussies vir die streek en die wêreld inhou."

Die VN het gesê die geweld in Sirië het reeds die lewe van meer 8 000 mense geëis.

– Volg Nuus24 op Twitter