Onnie tronk toe oor seks met leerder (13)

2012-06-08 07:30

Pago Pago – 'n Voormalige Amerikaans-Samoaanse onderwyser is tot 28 maande tronkstraf gevonnis nadat hy 'n seksuele verhouding met 'n 13-jarige leerder gehad het.

Die leerder was swanger met sy kind.

Tone Pulou is Woensdag gevonnis nadat hy vroeër skuldig gepleit het op aanklag van verkragting.

Pulou is deur die regter beveel om geen kontak met die meisie en haar familie te hê nie. Hy moet homself ook as seksoortreder registreer, 'n MIV-toets ondergaan en $5 600 (sowat R47 000) aan die regering betaal vir die koste van sy uitlewering.

Hy kan ook enige tyd gedurende sy tronkstraf aansoek doen om werkvrylating en sodra hy in diens geneem is, moet hy maandeliks $100 (sowat R839) in onderhoudsgeld aan die meisie betaal.

Pulou is in Oktober in Honolulu in hegtenis geneem nadat hy sedert Augustus 2010 deur owerhede gesoek is.

– Volg Nuus24 op Twitter

- Sapa - AP