Onderwyser deel van pedofiel-netwerk
2011-06-15 20:05
Sydney – ‘n Onderwyser van een van Sydney se mees
eksklusiewe privaat seunsskole is een van 11 mans wat daarvan beskuldig word
dat hulle beeldmateriaal van kinders wat gemolesteer word, uitgeruil het.
Die 40-jarige man is die afgelope 10 jaar ‘n
onderwyser by King’s Preparatory School in Sydney.
Hy is verlede week in hegtenis geneem.
Die polisie in Australië het blykbaar ‘n pedofiel-netwerk
op die internet oopgevlek.
Honderde foto’s en beeldmateriaal van kinders
wat gemolesteer en verkrag word, is deur die deelnemers onder mekaar versprei.
Volgens kommandeur Grant Edwards is die videomateriaal in Sydney sowel as in ander lande geskiet.
Volg Nuus24 op Twitter.
- Sapa - AFP