Obama stuur nóg 30 000 troepe
2009-12-01 19:01
Washington - President Barack Obama gaan sowat 30 000 nuwe troepe vir die volgende ses maande na Afganistan toe stuur, het ’n senior amptenaar gesê.
Obama sal in sy toespraak, wat Dinsdagaand plaasvind, rofweg bekend maak wanneer die Amerikaanse militêre missie na ‘n einde sal kom.
Nadat die ekstra 30 000 troepe na Afganistan vertrek het, sal daar oor die 100 000 Amerikaanse magte in die land wees.
Die hoof missie van die troepe sal wees om te voorkom dat die Talibanse magte vermeerder.
- AP